Со цел да поттикне активно граѓанство, креативно учење и претприемништво кај младите, особено младите во руралните средини, Институтот за истражување во животна средина, градежништво и енергија (ИЕГЕ), во соработка со партнерските институции, континуирано работи на реализација на Еразмус+ проектот DigiRUR – Бидете успешни во дигиталната ера во руралните средини.

Во рамките проектот DigiRUR e развиена отворена, веб-базирана и целосно бесплатна едукативна платформа за подобрување на претприемничкото знаење на младите и се креирани отворени образовни ресурси кои содржат комплетен сет на услуги, алатки и менторство за млади претприемачи.

Едукативната програма во рамките на проектот DigiRUR е преведена на 6 јазици и тоа: англиски, шпански, португалски, грчки, бугарски вклучувајки го и македонскиот јазик. Истата се состои од шест модули, од кои секој се фокусира на различен аспект на дигиталното претприемништво:

• Вовед во веб дизајн: обезбедување основни знаења и вештини за креирање веб-страници со цел да се воспостави силно онлајн присуство на бизнисот.
• Е-трговија: опремување на младите со вештини потребни за навигација и успех во светот на онлајн бизнисот.
• Дигитален маркетинг и меѓународни клиенти: истражување на стратегии за ефективен дигитален маркетинг.
• Менаџмент и маркетинг принципи: проучување на суштинските принципи во деловното управување и маркетинг стратегии за одржливо работење.
• Управување со податоци: осознавање на важноста на управување со податоци и анализа за информирано носење на одлуки.

На учесниците кои успешно ќе ги проследат модулите и ќе ги завршат квизовите во рамките на секој модул ќе им биде доделен сертификат, со кој се потврдува нивното постигнување во образовната програма.

За успешно регистрирање и приклучување кон едукативната програма на проектот DigiRUR, заинтересираните учесници можат да ги следат следните едноставни чекори:

1. Посета на платформата за е-учење на следниот линк www.elearning.digirur.eu.
2. Кликање на копчето log in и креирање на профил со употреба на своето име и е-пошта.
3. По успешното регистрирање и креирање на профил се овозможува пристап до едукативната програма и модуллите во рамките на истата. Како следен чекор одберете го јазикот на кој ќе ја следите програмата, слободно одберете ја македонската верзија.
4. Следете ги видеата и решете ги курсевите на сите 6 модули за да се стекнете со сертификат.

Главната цел на проектот DigiRUR се заснова во промовирање на активно граѓанство, креативно учење и претприемништво кај младите кои одлучуваат да останат, работат и создаваат во руралните средини.

За повеќе информации посетете ја веб страницата на проектот https://digirur.eu/